Ang Aswang sa Eskinita

Habang nililinis ko at inaalis ang putik sa pudpod kong mga tsinelas, kakaibang mga tinginan at malalakas na bulong-bulungan at ibinigay sa akin ng mga Aleng nagkukumpulan sa tapat ng tindahan ni Aling Josie. Katulad ng mga nakalipas na araw, usap-usapan na naman ang hindi magandang nangyari sa aking pamilya.

“Dios ko, kawawa naman ang mga batang iyan. Bakit ba naman kasi nagpunta-punta pa doon ang Nanay nila,” kuwento ni Aling Lolit sa kaniyang mga kumare.

“Kaya nga. Alam na kasi ang kuwento tungkol sa eskinitang iyon e talagang nagpunta pa,” sabat ni Aling Maring.

Nasanay na ako. Sa halos dalawang buwang ganito ang bumubungad sa akin sa tuwing darating ako sa Sitio Talahib mula sa halos isang kilometrong paglalakad mula eskuwela, ang pagkukuwentuhan at pagbubulungan sa amin ng mga kapatid ko ay parang bale wala na. Continue reading

Advertisements

Pusuan Mo

“Buti naman at nakarating ka!”

Magkahalong kaba at tuwa ang narinig ko kay Rolando nang sambitin niya ito. Ngayong gabi kasi ay tatakas kaming dalawa. Ang araw ng mga puso ay siya ring araw nang paglayo namin sa kaniyang mapang-alipustang pamilya.

“Oo naman. Hinding-hindi ko palalampasin ang gabing ito. Matagal ko itong hinintay,” hindi mapigilang ligayang sagot ko kay Rolando. Continue reading

Ang Pagbabalik ng Superhero ng Muzon

Hilig naming manood ni Tatay ng mga pelikula at palabas sa telebisyon na tungkol sa mga superhero. Nariyan ang may kakaibang lakas na si Superman, ang may pambihirang bilis na si The Flash, at iyong may magarang baluti na si Iron Man. Lahat sila ay idolo namin!

Natatandaan ko pa nga kung paano namin gayahin ang mga pakikipaglaban ng mga superherong ito sa masasamang loob. Sinusuotan ako ni Tatay ng kapa, iyong kumot na bagong almirol ni Nanay.Nakikita ko ring napapakamot na lang si Nanay tuwing makikitang nakakabit na sa likod ko ang paboritong kumot niya.

Continue reading

Bulong-bulungan

Tulad ng mga nakaraang araw, isang malakas na sigaw ang gumising kay Jane. Bulyawan ng mag-asawa nilang kapitbahay ang nagsisilbi niyang alarm clock halos araw-araw. Tagos sa mininipis na dingding ang ingay ng sigawan gayundin ang bawat dabog at lagabog. Kung hindi naman mula sa mag-asawa, ang maagang rambulan ng mga lasing na tambay o di kaya ay tawanan ng mga magkukumare na maagang naka-duty sa kanilang tsikahan ang gumigising sa kaniya. Continue reading