Ang Hashtag ng mga Millennial

Kung mayroong pangakong hindi nagbabago sa mundong ibabaw, tiyak akong ang bagay na iyon ay ang pagbabago. Pagbabago lamang ang permanenteng bagay dito sa daigdig. Lahat ay dumaranas ng pagbabago mapabuti man o mapasama—sakop na nito ang pag-iisip ng tao, ekonomiya, klima, at maging ang takbo ng damdamin mo. Isa nga sa mga malalaking pagbabagong naganap sa mundo ay ang pagdating ng teknolohiya. Layunin ng makabagong teknolohiya ang pagaanin ang buhay natin kumpara sa kung ito noong mga nakaraang panahon. Naging sunod-sunod ang imbensyon ng mga makabagong gamit na talaga namang nagpadali sa pamumuhay ng sangkatauhan. At kung mababanggit ang teknolohiya, hindi maisasantabi ang mga millennial– ang sinasabing henerasyong namulat at nabubuhay sa panahon ng makabagong teknolohiya. Continue reading

Change is Coming: Ang Hugot ng 2016

Naging makulay ang taong 2016 para sa mga Pilipino, mula sa mundo ng politika, showbiz, ekonomiya, at edukasyon. Hindi maikakailang napakaraming pangyayari ang maaaring panghugutan ng mga Pilipino upang ilabas ang kanilang mga nararamdaman at opinyon sa isang malikhaing paraan.

Dahil ang hugot ay isa sa mga paborito kong libangan at labasan ng mga kirot at saya ng buhay pag-ibig ko, nakaisip ako ng sampung hugot na angkop sa unang sampung buwan ng 2016, ayon na rin sa mahahalagang bagay na naganap sa bawat buwan. Continue reading

Pepe

Ako ang batayan ng paboritong sermon sa mga martir na “patatayuan na kita ng monumento sa Luneta.”

 

Ako ang paboritong paghanguan ng pangalan ng mga eskuwelahan, kalye, lugar at mga establisimyento.

 

 

Ako ang mukhang madalas isukli sa binili mong tig-499 at ang madalas na nakakulong sa iyong baboy na alkansiya.

 

 

Ako ang may-akda ng mga nobelang inaral mo noong Grade 9 at 10 ka. Pati buhay ko noong kolehiyo, nirebyu mo rin. (Alam ko rin minsan kang naasar sa ka-GC-han ko.)

 

 

Ako ang ginampanan nina Cesar Montano at Alden Richards sa telebisyon at pelikula. Ako ang orihinal na pambansang bae-yani. Hindi ba, Leonor, Nellie, at Josephine?

 

 

Ako yung na-photobomb nung isang gusali sa may Maynila.

 

 

Ako iyong namatay para sa bayan sa araw na ito, 119 taon na ang nakalilipas.

 

 

-Pepe