Mga Bayaning Walang Bantayog

Saludo sa mga magulang na walang humpay na nagbanat ng buo,
na nauwi sa wala ang sakripisyo ‘pagkat anak ay bulakbol, sakit ng ulo.

Pagpupugay sa mga mag-aaral na nabiktima ng ‘di magandang kalakaran,
nakakuha ng gradong ‘di sapat at ‘di dapat—medalyang inaasam ay ‘di nakamtan.

Taas-kamay para sa mga manggagawang ‘di natutumbasan ng sahod na sapat,
sa mga ‘di napapagod kumayod kahit hanggang ngayo’y sa yama’y salat.

Paghanga ang ibinibigay sa mga taong buong puso kung magmahal,
kahit ‘di nakakamit ang pag-ibig pabalik, kahit sugatan ay ‘di napapagal.

Walang katulad ang mga anak na tagataguyod ng kani-kanilang pamilya,
handang kalimutan sariling kaligayahan, mahal sa buhay laging inuuna.

Padayon para sa mga guminhawa ang buhay ngunit hindi nakalimot,
tumitindig pa rin para sa kapakanan ng lahat, upang pagkakapantay maabot.

Mabuhay kayo, mga kapuwang ‘di naaakit na manlamang sa kapuwa,
korupsiyon ay hindi opsiyon kahit makaraos na lang ang magagawa.

Kinikilala ang mga bayaning wala mang bantayog, wala man sa mga aklat—
tunay na dinadakila, isinasantabi ang sarili para sa kabutihang panlahat.

BIG 4 LESSONS MULA SA PBB 10 CELEBRITY KUMUNITY EDITION

Larawan mula sa ABS-CBN

#1 – Lahat ay may ambag

Madalas maghanap ng ambag sa loob ng bahay, lalo na yung mga nakatatanda. Minsan, hindi na rin alam ng housemates kung ano ang dapat nilang gawin para makapag-ambag nang sapat sa loob ng bahay. Ganito rin sa totoong buhay. Hindi mo mahanap ang totoo mong halaga kasi parang kahit anong gawin mo, laging kulang. Kung hindi pasok sa expectations ng iba ang ginagawa mo, hindi yun ambag para sa kanila. Sa madaling sabi, useless ka pa rin. Kahit na marami kang naririnig, kung alam mong may nagagawa kang mahahalagang bagay kahit iba sa inaasahan nila, ituloy mo lang. Hindi lang nila nakikita ang halaga ng ambag mo dahil sa ibang bagay sila nakatingin at iba ang gusto nila.

SAYA

Hindi na kasing haba ang mga ngiti,
wala na ang ingay ng mga halakhak.
Madalas nang marinig ay mga hikbi,
kalungkutan na lamang ang tiyak.

May poot na nararamdaman sa mundo,
sa hindi matapos na pagkabigo.
Ngunit mundo ba talaga ang nagbago,
o ikaw na hindi na maabot ang mga gusto?

Sampung Utos ng Komyuter sa Jeep

1. Kung mauupo sa malapit sa pintuan ng jeep, siguradong magpapaabot ka ng bayad (unless 1-2-3 passenger ka haha). At kung magpapaabot ng bayad, huwag kalimutang magsabi ng “salamat.” Hindi biro maging OJT ni manong drayber kaya ano ba naman ang simpleng salitang ito kompara sa ginhawang mayroon ka sa dulong bahagi ng jeep.

Nutrisyon ng Puso: Push Natin ‘To

Ang pag-ibig parang ang sikat na haluhalo,
minsan espesyal, madalas naman ay ordinaryo.
Dahil sa masarap na lasa maraming may paborito,
minsan lang ay simbolo ng mga pinaikot hanggang mahilo.